返回列表 發帖

[感想] 再談一談隻牛牛(2319)

首先申報利益, 本人未持有蒙牛(2319)

今次我想講一講佢值唔值博~~ 買佢最要考慮一點係 "壞消息"有冇出盡?! 如果大家認為佢未來一兩年業績會差, 之後好轉, 咁你可以放心買, 因為依D因素係股價反映有突, 全世界都知既壞消息, 就唔係壞消息.....但係如果你覺得牛牛今次之後, 十年八年都唔會返身, 咁你就唔駛理佢~~~

我自己會相信前者多。

因為今次出事係唔止一間, 而係整個中國, 即蒙牛最大對手伊利都一齊出事, 個人覺得大家係零售上既MARKET SHARE 係依件事上變化唔會太大, 最大可能損失係嬰兒奶粉市場, 不過蒙牛收入多數集中係液體奶及UHT奶上, 只要人民信心回復, 收入會再次穩定。個人比較樂觀, 相信會少於一年時間。因為中國同胞飲奶文化比香港深, 非其他飲品可以代替......再者SARS, 瘋牛症, 禽流感之經驗, 較高生活水平既香港人都咁快唔記得, 牛雞照食, 何況我國同胞。

信中國政府可以攪掂, 國民信心回復, 牛牛就可回復高增長盈利~~~~

策略: 7.5左右買入一注, 穿9.7第二注, 跌穿6.85止蝕(23/09低位)

[ 本帖最後由 安德魯葉 於 2008-9-25 01:55 編輯 ]
1

評分人數

不過今次既影響去到國際性 , 相信真係要 d 時日
投機之道,求贏不求賭!!

TOP

我覺得國產奶市佔率會萎縮, 進口奶市佔率上升, 如要現階段買入, 我覺得只可以博一樣野: 趁佢病, 有外資低價併購或入股蒙牛, 咁應該可以快速重建消費者信心 ~~~係咪發緊夢? 呵呵
我都冇蒙牛, 亦唔會買

TOP

有無留意到蒙牛今年上半年的業績? 增長只有20% only (股份多左, 仲未計攤薄)

就算無毒奶事件, 佢都係會大跌, 不過唔會跌得咁甘... 其實我係擔心佢的增長巳經見頂 (當無毒奶事件)

看番現價 $8.x, 2007年 P/E 12, 如無毒奶事件影響, 中規中舉...... 因為市場上巳經出現在好多"平"的股份.

TOP

牛牛現價都唔咪真係好抵。

btw, 希望中國政府可以處理好呢件事, 讓國內奶業繼續健康發展。

TOP

返回列表