返回列表 發帖
三中全會總結

政治 :

本菜鳥睇呢份決議文果陣,第一個感覺係 : 大鑊 。根本就係一份 "應對危機" 既計劃。首先向上保障國企壟斷,爭取中共元老家族的支持,再向下對地方政府削權,包括稅收,審批權限,判案權等。對蟻民更加係高壓統治,成立國安委員會,加強網上言論引導及監控,限制民間團體的活動等等。咩危機 ? 當然係房地產泡沫爆破的危機,呢個泡沫一爆,不單止係經濟災難,更加係對中共統治的一個巨大挑戰,所以中共已經暫時放棄追求經濟增長,全力保住政權,可以預期,在習李這一屆,房地產泡沫必定爆破,中共會面對改革開放以來最大的統治危機 !



樓市 :

三中全會對中國樓市係一個標誌性事件,自此中國樓市會見頂下跌,決議裡面提及樓市並不多,只講到會推出房產稅及建立中央產權資料庫。點解小弟會話係對樓市咁重要呢 ? 好多人就估係徵收房產稅,所以樓市會下調......nonono  呢少少錢貪官們比得起。中央產權資料庫先係最致命  依家中國產權記錄仲係非常落後,各地有唔同資料庫,有 d 仲係用手寫  而且互不相通,即係....地方官可以好好隱藏自己持有幾多資產,如果將記錄中央化的話,所有記錄就無所遁形,官員所受的輿論壓力會非常大,事實上就有唔少官員因為財產曝露而被拉落馬。此政策一出,全國官員會有咩反應呢,仲唔鬥快沽貨



股市 :

三中全會對股市有咩影響喎,唔使多講啦    但係...... 升勢會延續到幾時呢,小弟做左個研究

比兩幅圖大家睇先





第一幅係美國樓市指數,第二幅係國企指數,兩者之間有咩關係 ?

國企指數04-06 年只係維持慢速上升,但係美國樓市在 06 年 7 月見頂之後明顯加速,最後由 7000 點衝上 20000 點,點解 ?? 其實只係簡單道理,樓市見頂,資金從中逃出流入股市,造就股市快速上升,目前我地見到既市況就係咁解。坊間分析員話三中全會點樣刺激經濟,利好股市。小弟就話 : BULL SHIT ! 樓市泡沫開始爆破先係本輪升市主因。升到幾時,升到幾高呢...... 中國樓市泡沫可比美國,甚至有過之而無不及,逃出資金量會非常驚人,如果以 06 -07 年的升市為藍本的話,小弟認為並不誇張。甚至我們將來可能見到,聯儲局開始縮減 QE,股市更強力上升的奇景

TOP

三中全會總結

政治 :

本菜鳥睇呢份決議文果陣,第一個感覺係 : 大鑊 。根本就係一份 "應對危機" 既計劃。 ...
neddylo 發表於 2013-11-23 10:04 AM

唔使咁謙話自己菜鳥喎
見你咁有心機寫咁長, 醒起小弟都好耐冇寫野了, 偷懶...

回應下啦~

政治上統治危機麻, 房地產爆破不會是問題本身, 而是其牽涉到貪腐才會成為問題...

你樓市的段落中提到中央資料庫, 似乎阿爺由尾國斯兄事件感悟到數據既力量, 未來資訊科技會成為中角打貪的重要工具, 有利推進官場現形記, 這擊中了問題根源...

股市、樓市的關係, 你說的樓市泡沫爆破有資金從樓市撤出到股市, 短期內的確有機會, 尤其是尾段
不過如果是長期走勢則不是太明顯, 可以睇下圖:

兩者走勢基本一致, 只是幅度會不同...
但小弟想也可以用你說法的概念, 資金由樓市轉到股市, 是體現在"由喜好一種資產轉到喜好另一種資產"的形式
由圖中小弟觀察,
本輪升屎與97年的特性可能很接近, 樓市升勢較股市來得強
但97年之後, 樓市10年走勢至08年明顯遠遜股市, 再之後樓市復強於股市至今
換句話說, 97年前資金較喜好房產, 97年-08年資金轉投股市懷抱, 08年後又轉回到房產
這背後是否一種心態轉變, 即在一種資產上受傷後, 選擇另一種資產, 又或者一種資產已經太貴, 選擇另一項相對便宜的投資, 這不得而知
但這表現出了股樓輪替的現象

假如這一次有97年影子, 那麼意味在樓市開始下跌之後, 未來十年間樓市相比股市會更受打擊, 股市、樓市會一起下挫, 但此中股市跌幅一定相對較少, 因為股市在未來十年中會跑贏樓市
附件: 您需要登錄才可以下載或查看附件。沒有帳號?註冊
Don't believe what you see, just believe what you trust!

TOP

本帖最後由 neddylo 於 2013-11-23 17:22 編輯
唔使咁謙話自己菜鳥喎
見你咁有心機寫咁長, 醒起小弟都好耐冇寫野了, 偷懶...

回應下啦~

政治上統治危機 ...
投資初哥 發表於 2013-11-23 14:57



    在小弟所知的中國歷史,中國其實幾千年來都係貪腐之國,可見貪腐從單止唔會直接造成執政危機,反而係治國之道。

反而每個朝代滅亡必定同經濟危機有關,政府缺錢,導致國力空虛,最後被內亂推翻或者被外敵入侵而亡


請留意小弟係話
美國樓市 >>> 香港股市
中國樓市 >>> 香港股市

香港樓市同股市升跌,都係國際熱錢進出的產物,所以大致上係同步
而美國同中國樓市,體積先大到足夠影響"國際熱錢" 的流向
所以香港股市同樓市的關係,與美國 / 中國樓市並不能相比較

而且美金的流向比較廣,人民幣的流向比較窄,今次升得比 06-07 仲急都唔奇

TOP

本帖最後由 投資初哥 於 2013-11-30 10:52 編輯
在小弟所知的中國歷史,中國其實幾千年來都係貪腐之國,可見貪腐從單止唔會直接造成執政危機,反而 ...

反而每個朝代滅亡必定同經濟危機有關,政府缺錢,導致國力空虛,最後被內亂推翻或者被外敵入侵而亡
neddylo 發表於 2013-11-23 05:12 PM

呢個既原因很難排除貪官所為

另外如你所說規模很重要, 香港在06年1-2月已有很多資金流入, 而美國樓市於同年7月見頂, 或許是有一定關係吧, 不過不論資金是海外還是本土, 道理該是一樣的
而06-07年當時可能某程度也是源於尾國自己股市、樓市的關係, 其亦有一些股樓輪替的特徵
06年7月後尾國股市也升得很急, 於是香港股市才跟進, 但當時香港樓市卻沒有/不明顯, 而是待07年10月香港股市見頂之後, 香港樓市才起步上升, 至股市走完b浪後, 香港樓市才與股市一起下跌啲, 但樓市跌幅明顯較少, 如下圖:

小弟是感覺樓市與股市交替的現象並不是一個很明確的規律, 有不同步時, 也有同步時, 最終還是要取決於資金的取態...
附件: 您需要登錄才可以下載或查看附件。沒有帳號?註冊
Don't believe what you see, just believe what you trust!

TOP



旗形 ?  

TOP

TOP

neddylo 發表於 2013-12-4 12:39 PM

有...有...有排...燜lor

TOP

有...有...有排...燜lor
投資初哥 發表於 2013-12-4 12:41



    應該好快有突破,短線目標 12500

TOP

應該好快有突破,短線目標 12500
neddylo 發表於 2013-12-4 12:48 PM

等老爺開會派糖

TOP

返回列表